Samahang Walang Hangganan

SAMAHANG WALANG HANGGANAN

 Flames of the Burning Bush 2002 

Sa tagal ng panahon na ating inilaan

At sa tatag ng ating pagsasamahan

Sa tingin mo ba’y akin pang malilimutan

Itong pagkakaibigang tila walang hangganan?

Kay rami nang bagay ang sa ati’y nagdaan

Kay rami nang pagsubok ang ating nalampasan

Mga problemang sinikap na solusyonan

Sa huli”y mayroon din namang tawanan.

Anupa’t kaysaya ng bawat araw na lumipas

Na sa tuwing magkakasama’y di alintana ang oras

Mga mukhang di maipinta’y nagiging maaliwalas

Sa mga tawanang abot-langit ang lakas.

Nakatutuwang isipin ang mga pinagdaanan natin

Kay sayang balikan at muling alalahanin

Ang maliligayang araw na kaysarap ulitin

At malulungkot na pangyayaring ayaw nang busisiin.

Sa mga pagsubok na dumating sa ating buhay

Bawat isa’y nakahandang dumamay at umalalay

Ang lahat ay nais na makapag-abot ng kamay

Upang sabay-sabay na marating ang tagumpay

Sa mga pagdaraanan pa nating lungkot at saya

Sa lahat ng problemang kailangang idaan na lang uli sa tawa

At sa mga karanasang pangit man o maganda

Sana’y magtuluy-tuloy pa itong ating pagsasama

by: MR.HUNT CUTERO